《去旅行，可能係發掘天材最好既方法》
大部分人都係唔同程度上驚死，亦因為有呢種恐懼人類先會識得保護自己，令自己唔好禁易死；但又因為呢種恐懼，令我地生不如死。係旅途上面，我地通常都會比平日更常遇到可能導致死亡既事。例如hitchhiking/couch surfing /迷路/無地方住/無野食/唔夠衫著/什至可能係同男女朋友嘈交<---絕對慘過死。
聽過人玩流浪荒島、絕地求生覺得好正，其實某程度上同去旅行既意義差唔多。負面黎睇就係睇下自己幾時死，正面黎講就係發掘潛能。因為你要正視人類既陰暗面就係好多野唔到死/失去果一刻都唔願做。
係香港好地地有得Google Map又使咩問路？落街就可以食碗魚蛋河燒味飯又使咩自己煮？同男女朋友嘈交隔幾個鐘甚至幾日下左啖氣又使咩執著要即時氹黎氹去。但所有野一變左係異地發生又係另一個說法。然後你開始放低電話用你都唔知自己識既身體語言問下路，然後你開始去超市格價諗下今晚煮乜餸，然後你開始提升自己EQ同自己講去旅行唔好因為小事嘈交⋯然後然後，你好似發現左另一面既自己。
如果依家人類既大腦只係開發左幾個percent，我深信旅行絕對係其中一個方法令你腦部再度發育。所以話，去旅行，可能係發掘天材最好既方法。
Ps 唔使懷疑，全部都係我煮既。窮得有骨氣咪就係禁解。我是天才我是天才我是天才。
(好重要所以要講3次)
Search